இளைஞர் கேள்வி பதில் - 9

பதில்: சுவாமி விவேகானந்தரின் இந்த அனுபவம் உன்னதமானது. பெரிய செயல்கள் செய்யும்போது மட்டுமே நாம் ஒருவரது திறமையையோ, தகுதியையோ, புகழையோ பார்க்கிறோம். ஆனால் சுவாமிஜி மற்றவர்களின் கருத்துக்கு மாறாக, சிறு செயல்களில் செலுத்தும் கவனம்தான் ஒருவரைப் பெரிய மனிதர் ஆக்குகிறது என்பதைப் புரிய வைக்கிறார்.

இதனைப் பற்றி சுவாமி விவேகானந்தர் மிக அழகாகத் தமது ‘கர்ம யோகம்’ நூலில் விளக்கியுள்ளார். அருண், நீ கல்லூரி மாணவன் என்பதால் உனக்கு எளிதில் புரியும் இரண்டு உதாரணங்களைக் கூறுகிறேன்.

சென்ற மாதம் உலக கிரிக்கெட் கோப்பை ஆட்டங்களில் நமது பாரத அணி மிகச் சிறப்பாகப் பத்து ஆட்டங்களிலும் வெற்றி அடைந்தது. ஆனால் கடைசி ஆட்டத்தில் தோல்வியைத் தழுவியது உனக்குத் தெரியும்.

அந்த நேரத்தில் ஆஸ்திரேலியா அணிக்குக் கோப்பையைப் பாரதப் பிரதமர் பரிசளித்தார். ஆனால் அடுத்து அவர் செய்த காரியம் மிக முக்கியமானது.

தோல்வி அடைந்து அவமானத்திலும் சோகத்திலும் சிக்கித் தவித்துக் கொண்டிருந்த இந்திய வீரர்களை அவர்கள் தங்கி இருந்த இடத்திற்கே நேரில் சென்று மாண்புமிகு. மோடி அவர்கள் ஆறுதல் கூறினார். அவர்களது கவலைகளைப் போக்கும் விதத்தில் தட்டிக் கொடுத்தார். அவர்கள் ஏற்கனவே செய்த சாதனைகளைப் பற்றி அவர்களிடமே கூறினார்.

தோல்வியில் மொத்த அணியினரே துவளும்போது அவர்களைத் தூக்கி நிமிர்த்துவது மிகச் சிறந்த தலைமை பண்பு ஆகும்.