சிந்தனைச் சேவை - 32

துறவி: அன்பார்ந்த டாக்டர் மஞ்சு,  வாழ்க்கையில் மட்டுமல்ல, தொழிலிலும் நடைமுறையிலும் சரியான முடிவெடுப்பது என்பது ஓர் ஆன்மீகப் பண்பு ஆகும். Correct decision-making is a spiritual quality.

                                                                                                                                                                மேற்படிப்பிற்காக வெளிநாடு செல்வது நல்ல வாய்ப்பு. அங்கு சென்று அந்த அனுபவத்தையும் படிப்பையும் பெற்று, பிறகு இங்கு வந்து நம் சொந்த மக்களுக்காக அதைப் பயன்படுத்தினால் மிக அருமையாக இருக்கும்! அதைப் பற்றி யோசியுங்கள் மஞ்சு.

                                                                                                                                                                இங்கிருந்து புலம்பெயர்ந்த எத்தனையோ மக்கள், நம் தாய்நாட்டிற்கு ஒரு இன்னல் வந்தால் உதவிகளை அள்ளி வழங்குகிறார்கள். இங்கிருக்கும் இந்தியர்களை விட அங்கு சென்ற பிறகும் நம் கலாச்சாரத்தையும் பண்பாட்டையும் சமயத்தையும் மறவாமல் கெட்டியாகப் பிடித்துக்கொண்டு உள்ளவர்களையும் நாம் பாராட்டியாக வேண்டும்.

டாக்டர், இதை மனதில் கொண்டு Go Head. இந்த வார்த்தையைக் கவனியுங்கள். மேற்படிப்பிற்காகவும் சம்பாதிப்பதற்காகவும் வெளிநாடு செல். அதற்கு உன் Head அதாவது  அறிவை அபிவிருத்தி செய்யும் வாய்ப்பைப் பயன்படுத்து. நீ பெறும் வாய்ப்பு வசதிகளை உன்னைச் சேர்ந்தவர்களுக்காகவும் சேர்த்துப் பெருக்கு. நீ வாழ்வதற்கும் உன்னால் உன் சமுதாயமும், உன் சமயமும், உன் தாய் மண்ணும் வளமை அடைவதற்கும் Go with Heart.

Go Head or Go with Heart? இதுவா? அதுவா என்பதல்ல பிரச்னை. நாம் நன்கு வளர்வதற்கு நமக்கு நல்லறிவு வேண்டும்; நம்மோடு சேர்ந்து நம்மைச் சேர்ந்தவர்களையும் எல்லா நல்ல வகைகளிலும் வளர்த்துக் கொள்வதற்கு ஆழ்ந்த அன்பும் வேண்டும். 

Use your head efficiently for livelihood and use your heart fully for Living properly.