ஒரு நிமிட உன்னதம் - 23

ஆனால் இந்தக் கேள்விக்கு ஒரு superlative ஆன பதில் உண்டு என்று துறவி இன்று காட்டினார்.

இந்த நலம் விசாரிப்புக்கான எந்தப் பதிலும் அது நம் நல்ல நிலைமைக்கும், நல்லது அல்லாத பொல்லா நிலைமைக்கும் நாம் மட்டுமே பொறுப்பு என்ற பித்துகுளித்தனத்தில் பதில் வரும்.

துறவியிடம் நான் இதே கேள்வியைக் கேட்டேன். அவர் உடனே, "பகவான் ஸ்ரீராமகிருஷ்ணர் என்னை நன்றாக வைத்துள்ளார்" என்று சந்தோஷமாகக் கூறினார். பொதுவாக சாதுக்கள் ஓம் நமசிவாய அல்லது ஜெய் ஸ்ரீ ராம் என்று மட்டும் பதிலளிப்பார்கள்.

என் சந்தேகத்திற்கு அவர் தெளிவைத் தந்தார்:

"நாம் நம் வாழ்க்கையின் முழு பொறுப்பையும் இறைவனிடம் ஒப்படைப்பதற்காகவே ஆன்மீக வாழ்க்கையை மேற்கொள்கிறோம். ஆண்டவரிடம் நம்மை நாம் முழுவதுமாக சரணாகதி அடைந்து விட்டோமா அல்லது அவர் நம் பொறுப்பை ஏற்றுக்கொண்டு விட்டாரா என்பது கேள்விக்குறி. இருந்தாலும், எனக்கு நானே அடிக்கடி நினைவூட்டிக் கொள்ளவே குருதேவர் என்னை நன்றாக வைத்திருக்கிறார் என்கிறேன்.

"நான் எப்போதும் நன்றாக இருப்பதற்குக் காரணம், அவரது பூரண அருள். அந்த அருளின் பாதுகாப்பு அடியேனுக்கு எப்போதும் அவசியம் என்பதற்காகவே அவ்வாறு மனப்பூர்வமாகக் கூறி வருகிறேன்.

"அடுத்து, என்னை நன்றாக வைத்திருப்பது ஸ்ரீராமகிருஷ்ணரின் பொறுப்பு என்பதையும் நான் அடிக்கடி சொல்லி வருகிறேன். அதுவே விரைவில் 100% உண்மையாகிவிடும் என்றும் நம்புகிறேன்."