ஒரு நிமிட உன்னதம் - 7

டாக்டர் பத்மா பிறருக்கு உதவுவதில் சமர்த்தர். அவர் அந்தத் துறவியிடம், "சுவாமிஜி, சில காதொலி கருவிகள்- hearing aids என்னிடம்  இருக்கின்றன, அவற்றை யாருக்காவது கொடுத்து உதவுங்கள்" என்றார்.

மடத்தில் சிறு பணிகள் செய்யும் இந்திராம்மாவின் நினைவு துறவிக்கு வந்தது. அந்த அம்மாவிற்குக் காது கொஞ்சம் மந்தம். அதனால் அவரிடம் அந்தக் கருவியைப் பயன்படுத்துகிறீர்களா என்று கேட்டார் துறவி. அதற்கு இந்திராம்மா மறுத்து, "வேண்டாம் சுவாமி. காது கேட்காமல் மிகவும் சிரமப்படக் கூடியவர்கள் பலர் இருக்கிறார்கள்; அவர்களுக்கு அந்தக் கருவிகளைக் கொடுங்கள்" என்றார்.

இந்திராம்மா தனியாகச் சொற்ப வருமானத்தில் வாழ்கிறார். அதனால் துறவி ஓரிரு முறை வலியுறுத்தி கூறிப் பார்த்தார்.