சிந்தனைச் சேவை - 7

பதில்: ‌ மனதை மேம்படுத்துவதற்கான உத்திகளை, நுட்பங்களை, techniques பற்றித் தெரிந்து கொள்வதைவிட, மனதைப் பற்றிய மேலான அறிவைப் பெறுவது மிக அவசியம். உயர் நிலையில் நம் மனதை வைத்திருக்க வேண்டும் என்று எல்லா சமயப் பெரியோர்கள் கூறி வருகிறார்கள்; சாஸ்திரங்களும் அவ்வாறே கூறுகின்றன. 

மனதை உயர்நிலையில் வைத்திருக்க மூன்று கவனங்கள் தேவை என்று தோன்றுகிறது:

    1. ஒவ்வொருவரும் முயன்று அடைய வேண்டிய உயர் மனநிலை என்று ஒவ்வொருவருக்கும் ஒன்றுள்ளது. அந்த மனநிலையிலிருந்து செயல்படும்போது அனைவரும் நல்ல முடிவெடுத்துத் திறம்படச் செயல்படுகிறார்கள். அது அவர்களுக்கும் பயனளிக்கிறது; பிறருக்கும்தான்.

 2. ஆசை, அலைச்சல், அதீதப் பற்று, தீவிர எதிர்பார்ப்பு, வருத்தம், இலக்கு இல்லாத போக்கு போன்றவை இல்லாதபோது மனது நன்றாகச் செயல்படுகிறது. அந்த மனநிலையை நாம் ஒவ்வொரு நாளும் அடிக்கடி சுவைக்கத் தெரிந்திருக்க வேண்டும். யாரெல்லாம் அது போன்ற நிலையில் கனிவுடனும் கம்பீரத்துடனும் இருக்கிறார்களோ, அவர்களுடன் இணக்கத்தில் இருக்க வேண்டும்.

இதற்கானப் பயிற்சி: ♦ புறத்தில் நடக்கும் நிகழ்ச்சிகளையும் செய்திகளையும் தொடர்ந்து சென்று நீங்களும் ஒரு ஜடப் பொருளாகவே மாறி விடாதீர்கள். Whatsapp-ற்குக் கவனம் கொடுங்கள்; ஆனால் Thoughts up-ற்கு உயிரைத் தாருங்கள்.

♦ உங்களுக்குள் என்ன நடக்கிறது என்பதைத் தெரிந்து கொள்ள ஒரு நாளில் சில நிமிடங்களாவது செலவழியுங்கள்.

சுவாமி விமூர்த்தானந்தர்

24 ஜனவரி, 2021

ஸ்ரீ ராமகிருஷ்ண மடம், தஞ்சாவூர்