இந்தப் பாடலை கேட்க
ஸ்ரீகாளி இதயவாசன் எங்கள்
ஸ்ரீராமகிருஷ்ணர் அவள் நேசன்
ஸ்ரீகுருதேவர் எங்கள் மகராஜன் - மனித
சேவையில் என்னாளும் தாசானுதாசன் (ஸ்ரீ)
ஆதவன் ஒளி வீசும் முகமே அவர்
அருளாலும் அன்பாலும் வளமாகும் ஐகமே
மாதவம் செய்யும் அவர் அகமே - அவர்
மலர்ப்பாதம் மாந்தர்க்கு தரும் நல்ல சுகமே (ஸ்ரீ)
இருள் நீக்கி வழிகாட்டும் போதம் - குருவின்
இதயத்தில் ஒலித்திடும் ஸ்ரீகிருஷ்ண கீதம்
மருள் போக்கும் உபதேசம் வேதம் - அவர் முகம்
கண்டால் மறுகணமே மறையும் மதபேதம் (ஸ்ரீ)
தாரத்தைத் தாயாகப் பார்க்கும் இந்த
தாரணியும் தவறாது அவர் சொல்லைக் கேட்கும்
பூரணமே அவர் பேச்சில் பூக்கும் - இந்த
பூமியினை அவர் பார்வை நலமோடு காக்கும் (ஸ்ரீ)